Иран тврди дека Ормускиот теснец останува затворен, САД го негираат тоа

Иранската војска тврди дека Ормускиот теснец останува затворен за поморски сообраќај, спротивно на соопштенијата на Соединетите Американски Држави дека комерцијалните бродови и натаму непречено пловат низ стратешкиот морски премин.

— реклама —

Според иранската државна новинска агенција „Фарс“, Морнарицата на Револуционерната гарда сè уште не издала дозвола за премин на ниту едно пловило и мерката ќе остане во сила до понатамошно известување.

— реклама —

Техеран вчера објави дека Ормускиот теснец е затворен како одговор на израелските напади во Либан. Набргу потоа, американската војска соопшти дека комерцијалниот поморски сообраќај во регионот продолжува и дека бродовите и натаму минуваат низ теснецот.

— реклама —

Спротивставените тврдења дополнително ја зголемуваат неизвесноста околу состојбата во еден од најважните светски поморски коридори, преку кој минува значителен дел од глобалниот извоз на нафта и природен гас.

— реклама —

Ормускиот теснец, кој ги поврзува Персискиот Залив и Оманскиот Залив, има клучно значење за светската енергетска безбедност, а секое ограничување на пловидбата низ него може да предизвика сериозни последици врз глобалните пазари.