Иран тврди едно, САД друго: Кој го контролира Ормускиот Теснец?

Американската Централна команда (ЦЕНТКОМ) ги отфрли тврдењата на Иран за контролата врз Ормускиот Теснец, потонувањето на контејнерски брод и наводната смрт на стотици американски војници во Јордан, оценувајќи дека станува збор за невистинити информации.

— реклама —

Во објава на платформата Икс, ЦЕНТКОМ соопшти дека САД и нивните регионални партнери и натаму ја контролираат стратешки важната поморска рута и покрај, како што наведува командата, активностите на иранската Револуционерна гарда.

Иранската Револуционерна гарда претходно соопшти дека контејнерски брод под знамето на Сингапур потонал откако удрил во поморска мина во Ормускиот Теснец, пренесува „Ал Џезира“.

— реклама —

Американската команда ја отфрли оваа верзија, тврдејќи дека цивилниот брод бил погоден од проектил од иранско потекло и потонал додека бил влечен кон брегот.

— реклама —

ЦЕНТКОМ ги демантираше и тврдењата дека припадниците на Иранската револуционерна гарда убиле стотици американски војници во Јордан.

„Тројца американски војници загинаа во борбени дејствија во јули, додека партнерските сили ги бранеа своите позиции од иранските напади“, соопшти американската Централна команда.

— реклама —

Тврдењата на Вашингтон и Техеран за инцидентот со бродот и за воените загуби остануваат спротивставени.