Иранските власти соопштија дека двајца агенти, за кои тврдат дека биле поврзани со американските и израелските разузнавачки служби, биле убиени во судир со иранските безбедносни сили на југоистокот на земјата.
Според иранското Министерство за разузнавачки работи, двајцата биле убиени за време на престрелка со припадници на безбедносните сили. Во истиот случај биле уапсени уште четири лица, кои, според иранските власти, се обиделе да влезат во земјата со цел да спроведат планови за дестабилизација на провинцијата Систан и Балучистан и да оштетат дел од инфраструктурата.
Иранските власти и претходно тврдеа дека нивните служби спречиле план за напад врз американскиот претседател Доналд Трамп за време на неговата посета на Анкара, каде што се одржа самитот на НАТО.
Според тие тврдења, израелските разузнавачки служби ги информирале американските колеги за наводно планираниот напад, по што Трамп, како што се наведува, бил префрлен од авионот „Ер форс 1“ во воен авион.
