Ирански заповедник: Нашата победа беше „божествено чудо“ остварено со „волјата на народот“

Иран може да води војна против секој свој „непријател“, изјави командантот на иранската Револуционерна гарда, Али Абдолахи Алиабади, пренесува државната агенција Тасним.

— реклама —

Командантот на штабот „Хатам ал-Анбија“ оцени дека победата на Иран била „божествено чудо“ остварено со „волјата на народот“.

— реклама —

„Она што беше пред војната и она што е по оваа војна, дефинитивно е поинаков свет“, изјави Алиабади.

Тој им оддаде почит, како што рече, на „крвта на мачениците, командантите и водачот на револуцијата“.

— реклама —

Неговите изјави се во спротивност со тврдењата на американскиот претседател Доналд Трамп, кој за време на конфликтот повеќепати изјавуваше дека иранските воени капацитети биле „100 проценти уништени“.

Меѓу Техеран и Вашингтон и натаму траат тензии, додека двете страни изнесуваат различни оценки за исходот од конфликтот.