Искра Хаџи Василева официјално ја презеде функцијата шефица на ОЈО ГОКК, најави поодлучен прогон на организираниот криминал и корупцијата

Искра Хаџи Василева официјално ја презеде функцијата раководителка на Основното јавно обвинителство за гонење на организиран криминал и корупција – Скопје, откако даде свечена изјава пред Советот на јавните обвинители.

— реклама —

Таа беше избрана на 28 октомври, со освоени 64 гласа од вкупно 171 важечко гласачко ливче. За функцијата се кандидираа пет јавни обвинители, а изборот беше спроведен по истекот на мандатот на досегашниот шеф Ислам Абази, кој беше избран во октомври 2022 година.

— реклама —

Хаџи Василева најави поефикасен и поодлучен кривичен прогон, особено во предметите што го засегаат јавниот интерес и се од значење за граѓаните. Како главни приоритети ги посочи ефикасноста во работата, целисходното постапување и подоброто искористување на расположливите ресурси.

— реклама —

Таа нагласи дека обвинителството се соочува со ограничени капацитети, но ќе се залага за нивно зголемување.

— реклама —

Осврнувајќи се на извештајот на Европската комисија, во кој е констатиран недостиг од напредок во борбата против корупцијата, новата раководителка порача дека фокусот ќе биде ставен на поодлучно постапување против организираниот криминал и корупцијата.