Испитани 318 примероци од вода во Скопје, сите ги исполнуваат стандардите

Водата за пиење во Скопје е безбедна и ги исполнува пропишаните стандарди за квалитет, покажува најновиот неделен лабораториски извештај на ЈП „Водовод и канализација“ – Скопје.

— реклама —

— реклама —

Во периодот од 19 до 22 октомври, Секторот за санитарна контрола испитал 159 примероци за физичко-хемиска и уште 159 примероци за микробиолошка анализа. Примероците биле земени од 44 мерни места низ градот.

— реклама —

Според добиените резултати, сите анализирани примероци одговараат на Правилникот за барањата за безбедност и квалитет на водата за пиење.