Министерството за земјоделство, шумарство и водостопанство информира дека е реализирана исплата во вкупен износ од 2.028.714.243 денари кон 15.144 тутунопроизводители низ државата.
Станува збор за директни плаќања за произведен и продаден тутун од реколтата 2025 година, а од Министерството посочуваат дека ова е рекордна исплата, која претставува силна поддршка и признание за трудот на македонските тутунари.
Тутунот и понатаму останува една од стратешките земјоделски култури во земјата, со значајно учество во домашната економија и извозот.
Од Министерството најавуваат дека и во иднина ќе продолжат со креирање и спроведување мерки насочени кон обезбедување одржлив развој и поголема поддршка за земјоделскиот сектор.
