Во пресрет на празникот Св. Трифун, заштитникот на лозарите, реализирани се средства во износ од 481.127.667 денари кон 12.458 корисници, информираат од Министерство за земјоделство, шумарство и водостопанство
„Средствата се исплатени по Мерка 1.8 – Директни плаќања по обработлива земјоделска површина за одржување на постоечки лозови насади.
Се потврдува посветеноста и приоритетите на институциите во развојот на оваа земјоделска гранка.
Министерството продолжува со реализација на мерки и политики насочени кон одржливост и унапредување на земјоделското производство“, се вели во соопштението.
