Италија ѝ изрече огромна казна на „Мета“ поради приватноста на корисниците на „Андроид“

Италијанската агенција за заштита на личните податоци ѝ изрече казна од 805 милиони евра на компанијата „Мета“ поради пристап до фотографиите и видеата на корисниците на „Андроид“ без нивна јасна согласност.

— реклама —

Според регулаторот, компанијата не ги информирала соодветно околу 20 милиони корисници дека „Фејсбук“ преку една од функциите во апликацијата има пристап до содржините зачувани во меморијата на нивните телефони.

— реклама —

Функцијата автоматски предлага фотографии и видеа од уредот за создавање нови објави. Агенцијата утврдила дека корисниците добивале само општо барање за пристап до меморијата, без јасно известување дека нивните фотографии и видеа ќе се користат и за предлагање содржини за објавување.

На „Мета“ ѝ било наложено во рок од 60 дена да ја исклучи оваа функција како стандардна поставка и да обезбеди посебна согласност од корисниците за нејзино користење.

— реклама —

Казната од 805 милиони евра е меѓу највисоките што италијанскиот регулатор досега ги изрекол на технолошка компанија.

— реклама —

„Мета“, која ги поседува и „Инстаграм“ и „Вацап“, минатиот месец беше казнета и во американската сојузна држава Ново Мексико со 25 милијарди долари, поради наводно доведување во заблуда на јавноста во врска со начинот на кој постапува со податоците на корисниците на „Фејсбук“.