Италијанската филмска дива Орнела Мути, која оваа недела ќе биде специјален гостин на фестивалот „Санремо“, сака да добие руско државјанство.
– Со задоволство би добилa руски пасош од рацете на Владимир Путин – вели Мути, а пренесуваат италијанските медиуми.
Таа рече дека има дозвола за престој и дека веќе еден месец работи на следниот чекор, добивањето државјанство.
- Треба да бидеме таму каде што има иднина: Русија е земјата на моите предци, моите баба и дедо, мајка ми. Секогаш се трудев да најдам руски корени во мене – објасни Мути.
Пред еден месец таа објави дека има намера да се пресели во Москва каде сака да купи стан.
Инаку, предците на Орнела Мути се од Санкт Петербург.
