Итна средба на безбедносните служби поради можен атентат врз полскиот премиер Доналд Туск

Претставници на повеќе безбедносни служби се состануваат во Варшава по добиени информации за можен атентат врз полскиот премиер Доналд Туск и вицепремиерот и министер за одбрана Владислав Кошњак-Камиш.

— реклама —

Портпаролката на полското Министерство за внатрешни работи, Каролина Галецка, изјави дека состанокот ќе се одржи во 11 часот во Центарот за антитерористичка анализа при Агенцијата за внатрешна безбедност (ABW), пренесува полскиот портал RMF24.

— реклама —

На состанокот ќе учествуваат претставници на Службата за државна заштита и припадници на Агенцијата за внатрешна безбедност.

— реклама —

Како што наведе Галецка во објава на социјалната мрежа Икс, преземањето активности по информацијата што ја добила полицијата го наложиле министерот за внатрешни работи Марчин Кјервински и министерот-координатор за специјални служби, Томаш Семоњак.

Засега не се соопштени дополнителни детали за природата на заканата, ниту за околностите поради кои е активирана безбедносната процедура.