Ива Михаилова не ги негира снимките дека зборува дека Бугарија и диктира што да зборува за да добие третман таму, но вели дека никој не ја принудил на ништо

Ива Михаилова се огласи по тврдењата на бугарскиот новинар Станислав Цанов, кој во емисија на својот Јутјуб-канал „Цанов напред и нагоре“ ја претстави како „заложничка“ на бугарската Државна агенција за национална безбедност (ДАНС).

— реклама —

Во објавата, Михаилова им се заблагодари на сите што ѝ пишуваат и се загрижени за неа, нагласувајќи дека никој во Бугарија не ја принудувал да прави што било. Таа наведува дека таму добила помош, грижа и поддршка, кои ѝ даваат сила секој ден.

„Не сакам да бидам дел од политички расправии и повеќе нема да коментирам на оваа тема“, порача Михаилова, додавајќи дека во моментов најважно ѝ е целосно да закрепне и повторно нормално да може да оди.

— реклама —

Нејзината реакција доаѓа по емисијата во која Цанов изнесе тврдења дека на 3 ноември требало да снима поткаст со Михаилова, но неколку часа пред договореното гостување, според него, од ДАНС ја контактирале и ѝ забраниле да се појави во неговата емисија. Тој тврди дека службата барала таа да гостува кај новинарот Мартин Карбовски.

— реклама —

Цанов објави и снимки од разговори во кои, според неговите наводи, Михаилова зборува дека сака да ги изнесе случаите на Бугари за кои тврди дека биле измачувани во Македонија. Новинарот тврди дека таа на крајот се откажала од гостувањето затоа што не сакала да ризикува да не добие специјализирана рехабилитација.

Во својата реакција Михаилова не ги коментира директно наводите за тоа кој ѝ кажувал каде да гостува и што да зборува, ниту ги оспорува објавените снимки. Наместо тоа, нагласува дека во Бугарија не била принудувана на ништо и дека добила помош и поддршка, а од јавноста бара да ѝ овозможи мирно да се лекува.

— реклама —

(Видео) Ива Михајлова повторно во центарот на вниманието на бугарските медиуми – Цанов ја претстави како „заложничка“ на ДАНС

Бугарскиот новинар Станислав Цанов ѝ посветил цела емисија на Ива Михајлова на својот Јутјуб-канал „Цанов напред и нагоре“, во која ја претставил како „заложничка“ на Државната агенција за национална безбедност на Бугарија (ДАНС).Цанов тврди дека тој и Михајлова имале договор на 3 ноември да снимаат поткаст, но неколку часа пред планираното гостување, според неговите наводи, од ДАНС ја контактирале Михајлова и ѝ забраниле да се појави во неговата емисија, барајќи од неа да гостува кај бугарскиот

Македонија | пред 14 часа