(Видео) Ива Михаилова не знае дали ќе се врати во Македонија, адвокатот објасни како поминале граница

Ива Михаилова, која е обвинета во судска постапка во Македонија, заминала во Бугарија преку официјален граничен премин, тврду нејзиниот адвокат, кој додава дека македонските гранични службеници знаеле за кого станува збор и не го спречиле нејзиното заминување.

Таа засега не открива кога ќе се врати во Македонија, а нејзиниот адвокат вели дека ќе остане во Бугарија колку што ќе биде потребно за лекување и додека не се чувствува безбедно.

Во изјава за бугарската телевизија НОВА, адвокатот објасни како Михаилова ја напуштила Македонија, откако новинарката посочи дека бугарското Министерство за надворешни работи не било информирано за нејзиното влегување во земјата.

— реклама —

„Преку граничен премин поминавме. Ги извадивме документите и поминавме. Луѓето од македонска страна добро знаеја дека е Ива Михаилова. Никој ништо не кажа. Разговаравме и тргнавме“, изјави адвокатот.

Тој го оправда заминувањето со потребата Михаилова да добие соодветна медицинска помош, и покрај тоа што, според неговата изјава, институциите за случајот комуницираат по дипломатски пат.

„Не се должни да работи. Нашето министерство работи по дипломатски пат. Нашиот пат не е многу дипломатски, но во случајов мора вака да постапи. Нема поголема последица од тоа да остане без лекување адекватно“, рече адвокатот.

— реклама —

На прашањето колку време ќе останат во Бугарија, тој одговори дека тоа ќе зависи од лекарските проценки, но спомена и дополнителен услов поврзан со нејзиното чувство на безбедност во Македонија.

„Ќе останеме тука додека е потребно, додека кажат докторите. И додека таа не се чувствува сигурна дека нема да биде малтретирана дека е Бугарка во Македонија“, изјави адвокатот.
Самата Михаилова, прашана од новинарската екипа на НОВА колку долго планира да остане во Бугарија, не даде конкретен рок.

— реклама —

„Не можам да кажам колку ќе останам во Бугарија“, рече таа.

На дополнителното прашање дали воопшто планира да се врати во Македонија, Михаилова одговори:

„Тоа ќе го процениме понатаму“.

Изјавите отвораат прашања за околностите под кои Михаилова ја напуштила државата, дали постоеле судски ограничувања за нејзиното патување и како нејзиното заминување ќе влијае врз натамошниот тек на судската постапка.

Засега, од изјавите на адвокатот и на Михаилова не произлегува конкретен датум за нејзино враќање, ниту потврда дека ќе се врати веднаш по завршувањето на медицинскиот третман.

View this post on Instagram