Изгубил контрола над мопедот и паднал на коловозот, 58-годишник тешко повреден

Педесет и осумгодишен велешанец се здобил со тешки телесни повреди откако паднал со мопед на коловозот на улицата „Ганчо Хаџи Панзов“ во Велес.

— реклама —

Според информациите од Министерството за внатрешни работи, несреќата се случила на 12 октомври, околу 21:20 часот. О.Е. од Велес управувал мопед „томос АПН“ со велешки регистарски ознаки, кога изгубил контрола и паднал на коловозот.

— реклама —

— реклама —

Повредениот бил пренесен во Општата болница во Велес, каде што лекарите му констатирале тешки телесни повреди.

— реклама —

Увид на местото на несреќата извршила екипа на СВР Велес.