Изгубила контрола над автомобилот и се превртела, 21-годишна скопјанка тешко повредена

Две млади скопјанки се повредени во сообраќајна несреќа што се случила вчера наутро на улицата „Индира Ганди“ во Скопје.

— реклама —

Според информациите од МВР, на 19 октомври околу 8 часот, 21-годишната М.Х., управувајќи автомобил „фолксваген поло“, изгубила контрола над возилото, по што се превртела.

— реклама —

— реклама —

Возачката се здобила со тешки телесни повреди, додека нејзината 19-годишна сопатничка Е.А. поминала со телесни повреди. Повредите биле констатирани во Градската општа болница „8 Септември“.

— реклама —

Увид на местото на несреќата извршила екипа на СВР Скопје.