Државниот инспекторат за труд продолжува со вршење на вонредни инспекциски надзори во ден недела заради доследна примена на одредбите од Законот за работни односи и Законот за трговија.
„На ден 16.01.2022 година извршени се вкупно 47 вонредни инспекциски надзори на територијата на РСМ од страна на дежурните инспектори.
При инспекциските надзори утврдени се неправилности кај 10 работодавачи при што кај 7 работодавачи за утврдената неправилност по различни основи е донесена инспекциска мерка опомена а кај 3 работодавачи е изречена инспекциска мерка решение за забрана за вршење на работа согласно чл.50-а ст.3 од Законот за трговија (кај работодавачот работи работник во ден недела спротивно на закон)“, велат од Државниот инспекторат за труд.
