Израел и Либан постигнаа договор за прекин на огнот со посредство на САД

Израел и Либан објавија заедничка изјава за договор за прекин на огнот, постигнат со посредство на Соединетите Американски Држави, со што се отвора можност за намалување на тензиите и продолжување на дипломатските разговори меѓу двете земји.

— реклама —

Според договорот, двете страни се обврзале итно да започнат со воспоставување пилот-зони во кои единствена контрола над територијата ќе имаат либанските вооружени сили, без присуство на недржавни вооружени групи.

— реклама —

Во текстот на заедничката изјава се наведува дека под „недржавни актери“ се подразбира либанското движење Хезболах, кое со години е во фокусот на безбедносните тензии во регионот и честа цел на израелските воени операции.

Договорот предвидува и продолжување на директните разговори меѓу двете земји.

— реклама —

„Израел и Либан повторно потврдија дека немаат непријателски намери еден кон друг и се обврзаа да продолжат со директни преговори за градење доверба, решавање на преостанатите прашања и постигнување сеопфатен договор“, се наведува во заедничкото соопштение.

— реклама —

Договорот се смета за значаен дипломатски исчекор во обидите за стабилизирање на состојбата на јужната граница на Либан и намалување на ризикот од поширока регионална ескалација.