Израел и Хезболах постигнаа примирје, прекин на огнот стапи во сила

Израел и Хезболах постигнаа договор за примирје кое денеска стапи во сила, потврди американски претставник за Би-Би-Си.

— реклама —

Објавата за прекин на огнот доаѓа по нов бран насилство во јужен Либан. Според либанското Министерство за здравство, во израелските воздушни напади во текот на ноќта загинале најмалку 18 лица.

— реклама —

Од друга страна, израелската армија соопшти дека во борбите загинале четворица нејзини војници.

Претходно, израелските одбранбени сили соопштија дека погодиле околу 80 цели поврзани со Хезболах и ликвидирале десетици припадници на движењето.

— реклама —

Договорот за примирје е постигнат само еден ден по потпишувањето на договорот меѓу Соединетите Американски Држави и Иран, чија цел е намалување на тензиите и запирање на конфликтите на Блискиот Исток.

Според досега достапните информации, договорот предвидува и траен прекин на непријателствата во Либан, што би можело да претставува значаен чекор кон стабилизација на ситуацијата во регионот.