Израел нападна куќа во јужен Либан, шестмина загинати

Во израелски воздушен напад врз куќа во јужен Либан загинале шест лица, а уште седум биле повредени, соопшти либанската национална новинска агенција ННА.

— реклама —

Нападот се случил синоќа во градот Кфардоунин, а сите повредени биле итно пренесени во болници во градот Тир.

— реклама —

Израел и Хезболах продолжуваат со размена на оган, која дополнително се интензивирала во последните денови и покрај официјалниот договор за прекин на огнот што требаше да биде вовед во мировни преговори.

— реклама —

Двете страни меѓусебно се обвинуваат за прекршување на примирјето, додека состојбата на терен укажува дека договорот практично повеќе не функционира.

— реклама —

Според најновите податоци на либанското Министерство за здравство, од 2 март досега во израелските напади загинале 2.869 лица, а 8.730 биле повредени.