Израел потврди: „Железната купола“ била распоредена во Обединетите Арапски Емирати

Израелската министерка за транспорт Мири Регев потврди дека Израел, на почетокот на војната со Иран, распоредил батерија од противракетниот систем „Железна купола“ во Обединетите Арапски Емирати.

— реклама —

Во изјава за Военото радио, Регев истакна дека балистичките ракети претставуваат еден од најголемите безбедносни предизвици, но не откри дополнителни детали за операцијата.

— реклама —

Со ова таа стана првиот израелски функционер кој јавно го потврди распоредувањето на системот во ОАЕ. Претходно, во мај, американскиот амбасадор во Израел, Мајк Хакаби, исто така соопшти дека Израел го поставил противракетниот систем во оваа земја.

Според претходни медиумски извештаи, меѓу кои и оние на „Аксиос“, Израел уште во април го распоредил системот, заедно со воен персонал задолжен за неговото функционирање.

— реклама —

Во текот на конфликтот, Иран извел бројни напади врз Обединетите Арапски Емирати. Според податоците на Министерството за одбрана на ОАЕ, биле истрелани околу 550 балистички и крстосувачки ракети, како и околу 2.200 беспилотни летала.

Според истите информации, Обединетите Арапски Емирати биле меѓу најчесто целените земји во регионот за време на конфликтот.