Израелската војска тврди дека убила шест припадници на Хезболах

Израелските одбранбени сили (ИДФ) соопштија дека во напад во Бинт Џбеил, во јужниот дел на Либан, се убиени шест припадници на Хезболах.

— реклама —

Во соопштението се наведува дека по идентификација на борци на Хезболах, дошло до размена на оган меѓу милитантите и израелските војници, при што биле „елиминирани“ двајца припадници на групата.

— реклама —

„Потоа војниците го погодија објектот од кој дејствуваа терористите. Во нападот беа елиминирани преостанатите четворица терористи. Нема повредени припадници на ИДФ“, се додава.

— реклама —

Да потсетиме, американскиот претседател Доналд Трамп вчера соопшти дека примирјето меѓу Израел и Хезболах во Либан ќе биде продолжено за три недели.

— реклама —

Сепак, денеска беше нагласено дека примирјето има и ограничувања, бидејќи Израел, како што се наведува, може да изведува напади во јужниот дел на Либан доколку процени дека постои закана.