Израелски војници убија седуммесечно бебе на Западниот Брег, родителите ранети во пукање

Седуммесечно палестинско бебе загина, а неговите родители се ранети во пукање од страна на израелските сили во областа Тел Румејда, јужно од Хеброн на окупираниот Западен Брег, соопшти палестинското Министерство за здравство, пренесува Ројтерс.

— реклама —

Според соопштението, бебето Сам Фахд Абу Хајкал починало како последица на раните. Родителите биле погодени со куршуми и пренесени во болница, каде нивната состојба се оценува како средно тешка.

— реклама —

Бабата на детето изјавила дека семејството патувало со автомобил во близина на контролен пункт познат како „Checkpoint 17“, кога забележале израелски воени возила и војници. Тие застанале, по што се слушнале истрели за кои првично мислеле дека се предупредувачки.

Таа изјавила дека еден куршум го погодил бебето во лицето и главата, а ја погодил и мајката во образ. Додала дека таткото е повреден во прст, додека мајката се лекува во болница.

— реклама —

Од израелската војска соопштиле дека за време на операција во областа забележале возило кое, според нивната проценка, се движело со забрзување кон војниците. Наведуваат дека еден војник испукал неколку истрели кон возилото.

Во соопштението се потврдува дека три лица се ранети и дека случајот е под истрага, при што прелиминарните наоди укажуваат дека станува збор за цивили.