Градоначалникот на Карпош, Стевче Јакимовски, на социјалните мрежи објави дека На барање на раководителот на ЈП Комунална хигиена-Скопје денеска остварил средба со тим од претпријатието
„На барање на раководителот на ЈП Комунална хигиена-Скопје денеска е остварив средба со тим од претпријатието, при што е договорено во периодот што претстои Општина Карпош и ЈП Комунална хигиена-Скопје координирано да ја одржуваат хигиената во интерес на граѓаните.
Заеднички е констатирано дека хигиената во Општина Карпош во голема мера е подобрена од пред три месеци, како и дека граѓаните на Карпош заслужуваат хигиена на високо ниво имајќи го предвид високиот степен на наплата за оваа услуга“, вели Јакимовски.
Претходно градоналаникот на социјалните мрежи објави видео кое го направил додека бил во обиколка на општината. Тој изјави дека граѓаните на Карпош се потценети од страна на ЈП Комунална Хигиена.
„Лично направив кратка обиколка на главните улици во Карпош и го снимив ова видео за да се уверат граѓаните на Карпош како се потценети од страна на ЈП Комунална хигиена- Скопје иако имаат најголем процент на наплата токму од нашите 24 илјади домаќинства кои живеат на територија на Карпош.
Повторувам не бараме нашата работа да ја работи никој, но во исто време нема ние да ја работиме нивната работа“, стои во описот на видеото.
