Јанчев: Заеднички Бадников ручек за сите граѓани на Кавадарци на 6 јануари

Градоначалникот на Кавадарци, Митко Јанчев, преку објава на социјалните мрежи информираше дека и оваа година ќе се одржи традиционалниот Заеднички Бадников ручек, кој по петти пат ќе ги обедини граѓаните во празничен дух.

— реклама —

Настанот ќе се одржи на 6 јануари (вторник), со почеток во 11:00 часот, на Градскиот плоштад во Кавадарци, каде што сите граѓани ќе имаат можност да споделат топол оброк и да ја почувствуваат бадниковата атмосфера на заедништво и солидарност.

— реклама —

„Најубавите празници се оние што се споделуваат“, порача Јанчев, нагласувајќи дека целта на настанот е Бадник да се дочека заедно, со трпеза, дружење и насмевки.

— реклама —

Заедничкиот Бадников ручек е во организација на Општина Кавадарци, во соработка со општествено одговорни компании. За подготовка на храната и празничното расположение ќе се погрижат шеф Горан Филипов и неговите колеги, реномирани професионални готвачи од Македонија.

Од општината упатуваат отворена покана до сите граѓани да присуствуваат на настанот и заедно да го одбележат Бадник, испраќајќи порака дека Кавадарци обединува со хуманост.