Јане Ченто се сретна со Сиљановска-Давкова, правдата меѓу главните теми

Јане Ченто преку објава на социјалните мрежи информираше дека повторно се сретнал со претседателката на државата, Гордана Сиљановска-Давкова, оценувајќи дека секоја средба со неа има посебно значење за него.

Тој посочи дека ја цени нејзината посветеност кон принципите, правдата и владеењето на правото, додавајќи дека нејзините совети, размислувања и искуство претставуваат дополнителен мотив да продолжи понатаму, без оглед на предизвиците.

— реклама —

Според Ченто, на средбата разговарале за повеќе актуелни теми, а посебен акцент бил ставен на правдата како темелна вредност без која, како што наведе, нема вистинска држава ниту доверба кај граѓаните.

— реклама —

„Се согласивме дека борбата за правда мора да продолжи, дека вистината секогаш треба да биде кажана и дека никој не смее да биде заборавен или оставен без можност да ја докаже својата вистина“, напиша Ченто.

— реклама —

— реклама —

Тој порача дека верува оти правдата понекогаш може да доцни, но не смее да биде недостижна, нагласувајќи дека останува доследен на принципите, фактите и убедувањето дека вистината на крајот ќе победи.

„Борбата за правда продолжува. Нема откажување. Нема заборавање. Само истрајност, достоинство и верба во вистината“, стои во објавата на Јане Ченто.