Јасна порака од Москва: Русија е подготвена да ги сослуша новите американски предлози

Русија и САД продолжуваат со активни контакти на повеќе нивоа, а Москва останува отворена за разгледување нови американски предлози за политичко решение на конфликтот во Украина. Ова го изјави заменик-министерот за надворешни работи на Русија, Сергеј Рјабков.

— реклама —

Рјабков посочи дека комуникацијата меѓу Москва и Вашингтон не е прекината и дека контактите се одвиваат и меѓу владините администрации и преку безбедносните служби.

„Подготвени сме да ги сослушаме“ американските идеи, порача рускиот функционер, но истовремено нагласи дека тоа не значи отстапување од позициите на Москва.

— реклама —

Неговата изјава следува по најавите од американскиот државен секретар Марко Рубио дека во мировниот процес за Украина се потребни нови идеи. Рјабков рече дека Русија е подготвена да ги разгледа сите разумни предлози доколку тие, како што оцени, ја земаат предвид актуелната состојба на теренот и целите поставени од рускиот претседател Владимир Путин.

— реклама —

Тој, сепак, отфрли можност разговорите да бидат искористени само за добивање време за дополнително вооружување на украинските сили.

Рјабков оцени и дека „времето работи против Киев и Европската Унија“, додавајќи дека тие ќе мора да ја земат предвид оваа околност.

Москва, според него, не би прифатила решение засновано на, како што ги нарече, максималистички барања на Украина и Европската Унија. Од руската страна, како што порача, прифатливи се само предлози што се усогласени со руските цели и со состојбата на теренот.