„Од критични 130, денеска секојдневно од гаражите на ЈСП излегуваат по 180 автобуси“, вели Ѓорѓиевски

Градоначалникот на Скопје, Орце Ѓорѓиевски, денеска соопшти дека состојбата со јавниот градски превоз значително се подобрила во споредба со претходниот период. Одговарајќи на советнички прашања, тој истакна дека бројот на функционални возила на ЈСП Скопје постојано расте.

— реклама —

Според него, од критични 130 возила, денеска секојдневно од гаражите на претпријатието излегуваат по 180 автобуси.

— реклама —

— реклама —

„Имаме зголемување од 50 функционални автобуси во изминатиот период. Дали состојбата е идеална? Далеку е од тоа, но даваме максимум“, нагласи Ѓорѓиевски.

— реклама —

Тој додаде дека проблемите со приватните превозници се решаваат преку исплата на заостанатите долгови кои со години се таложеле, со што се зголемува бројот на возила и кај нив.