ЈО на чело со Љупчо Коцевски ги штити политичките елити блиски до СДС и ДУИ, децидни се од ВМРО-ДПМНЕ

„СДС и ДУИ ја заробија правосудната власт и ја претворија во алатка за политички клиентелизам, што резултира со институционална инерција“, велат од ВМРО-ДПМНЕ и додаваат:

СДС и ДУИ предизвикаа ерозија на довербата во јавните институции и судскиот систем.

— реклама —

СДС и ДУИ го повредија владеењето на правото и ја поткопаа јавната верба во способноста на државата да обезбеди правда без да има присуство на пристрасност, особено кога политичките елити на СДС и ДУИ се вклучени.

Врхушката на СДС и ДУИ се исплашени за милионите кои што ги спечалија на грбот на обичниот народ и поради тоа што се плашат дека доаѓа време за правда тие посегнаа по примитивни методи, со што ја уназадуваат државата.

Обвинителите и судиите избрани во Струмица и Зајас не смогнаа сили да се издигнат над ситуацијата и да делуваат професионално.

— реклама —

Само обвинителите на кој Коцевски им е одговорен и Коцевски не постапуваат по наводите за криминал во РЕК Битола, ТЕЦ Неготино, МЕПСО, Онкологија, ЈПДП, Државна лотарија и многу други.

Обвинителите и судиите на Заев и Ахмети за стотици предмети кога треба да се одлучува и да стави потпис на налог за увид, претрес или лишување од слобода, тие се трудат со сите средства да ги опструираат процесите.

— реклама —

Републичкиот јавен обвинител, Љупчо Коцевски не презема мерки за значајни предмети и покрај јавните докази за криминални активности и корупција.

Неактивноста на Јавниот обвинител доведува до незадоволство кај граѓаните од правосудниот систем, со тоа што се обидуваат да ги заштитат своите разбојници од правни последици, а на тој начин ја прошируваат корупцијата како да е нормална појава и комплетно го блокираат правосудството. Поради таквите постапки довербата на граѓаните во судскиот систем е 2 проценти.

СДС и ДУИ ги окупираа институциите со нивните функционери за да ги заштитат нивните интереси и да ја задржат власта.

— реклама —

На тој начин СДС и ДУИ ја лишија јавноста од правичност и отчетност.

ЈО да се разбуди и почне да работи, граѓаните очекуваат правда и владеење на правото.