Потегот на Гордана Гоџо, која не сакаше да ја пушти својата ќерка на настава со маска и се скара со вработените во училиште, наиде на многу коментари и критики. Еден од нив доаѓа од Јорданка Ивановска-Јоци, новинарка и критичар на случувањата во Македонија.
„Ја уапси некој оваа невестава за неовластено снимање на наставници и пуштање во промет на видео и тонски запис без согласност од други, кое е кривично дело? Или Оливер Спасовски ја заштитува и оваа - чија снимка осамна на профили финансирани од странски разузнавачки структури кои работат на создавање хаос во земјава со дестабилизација? Има некој да го праша Спасовски што точно прави во влада и дали работи за интересите на Македонија?“, напиша Јоци.
(ВИДЕО) Драма пред скопско училиште: Мајка се расправа за детето да влезе без маска и се кара со вработени, додека тоа плаче
Жестока караница избила пред скопско помеѓу мајка на ученичка и наставен кадар. Причината била барањето на мајката, нејзината ќерка да не носи маска. Родителот е Гордана Гоџо, активистката која ги предводеше протестите против мерките за спречување на коронавирусот.Мајката посочува: „Јас сум загрижен родител“, а секретарот на училиштето и враќа: „И јас сум загрижен за моето здравје“, а таа го убедува: „Немаш доказ дека Лена (ќерка ѝ) може да те зарази“.Целата караница трае 19 минути, а во моментот кога доаѓа директорката на училиштето ѝ посочува на ученичката да не плаче.„Протоколите мора да се почитуваат“, посочи директорката, а мајката врати: „Децата не треба да носат маски“.По ова родителката почна да вика: „Од што ве штити маската?“.Инаку, Гордана Гоџо е позната по протестот кој се одржа против корона мерките, а на кој, присутните извикуваа „убијци, убијци“ додека таа говореше.
Македонија | пред 4 години
