Јовица Радески е кандидат на СДСМ за градоначалник на Брвеница

СДСМ го објави Јовица Радески за свој кандидат за градоначалник на Општина Брвеница.

— реклама —

Од партијата наведуваат дека Радески доаѓа од приватниот сектор, по професија е ветеринар, а политички е ангажиран како актуелен советник во општината и носител на советничката листа на СДСМ.

— реклама —

Според СДСМ, преку досегашниот ангажман во Советот, Радески одблиску се запознал со проблемите и потребите на жителите на Брвеница.

„Чесен и вреден човек, кој секојдневно е меѓу граѓаните, во секое село и во секој дом во општина Брвеница“, наведуваат од партијата.

— реклама —

Од СДСМ велат дека нивниот кандидат влегува во градоначалничката трка со конкретни решенија и план за промени во општината.

— реклама —

„Подготвен е со конкретни решенија, за промени на подобро, за сите граѓани на општина Брвеница“, порачаа од СДСМ.