ЈСП едвај се договори за купување нафта, а тендерот поништен

Поради кризата во работењето на ЈСП Скопје нема интерес од страна на операторите за учество на тендерите за купување на нафта, но јавното сообраќајно претпријатие успеа интервентно да набави нафта од Пуцко Петрол, пишува Телма.

— реклама —

Оваа итна постапка, била одобрена од Бирото за јавни набавки по налог на Владата. Интервентната набавка ќе се спроведува до склучување на редовен договор преку тендер.

— реклама —

— реклама —

Но, според информациите на Телма, тендерот денеска бил поништен од страна на комисија на претпријатието, а причина за тоа е што на јавниот повик се пријавил еден понудувач со некомплетна документација, односно без да приложи банкарска гаранција од најмалку 3 отсто.

— реклама —

Во моментов автобусите ги трошат последните количини што со одобрение на Владата му беа отстапени од државните нафтени резерви.