Студентите во Скопје добиваат дигитална картичка за бесплатен јавен превоз

ЈСП Скопје започнува со воведување дигитална студентска превозна картичка за користење бесплатен јавен превоз, со поддршка од Град Скопје и во соработка со Универзитетот „Св. Кирил и Методиј“ – Скопје.

— реклама —

Новата картичка ќе се применува за студентите на државните универзитети во Скопје, вклучително и Универзитетот „Мајка Тереза“.

— реклама —

Студентите нема да треба да доставуваат хартиени потврди или да посетуваат билетари за заверка на студентскиот статус. Податоците за статусот ќе се разменуваат дигитално преку автоматска синхронизација меѓу ЈСП Скопје и универзитетите.

Упатствата за активирање студентите ќе ги добијат на своите електронски адреси, а дигиталната картичка ќе може да се активира и користи преку мобилната апликација SkopjeBus.

— реклама —

При најавувањето во апликацијата, потребно е да се користи истата електронска адреса со која студентот е регистриран на универзитетот.

Картичката ќе биде достапна во апликацијата со QR-код, кој ќе се користи за валидација при патување. Од ЈСП најавуваат дека студентите навремено ќе бидат информирани за начинот на активирање и користење на дигиталната картичка.