Професорот Гордан Калајџиев остро ги критикува политичарите поради, како што вели, погрешната слика што ја создаваат во јавноста за улогата на судовите и судиите.
Според него, успешноста на еден судија не треба да се мери според бројот на осудени лица или според тоа колку „се бори“ против криминалот, бидејќи неговата суштинска задача е да обезбеди фер постапка и да ја чува рамнотежата меѓу државната моќ и човековите права.
„Нашите политичари се неписмени и форсираат погрешна слика за судовите. Судиите не се ценат според тоа како се борат со криминалот, туку како балансираат меѓу државата и нејзините органи на прогонот и човековите права. Нивна грижа не е осудата, туку фер процедурата.“
