Калас: Путин зборува едно, а прави друго – ЕУ подготвува нови мерки против Русија

Високата претставничка на Европската Унија за надворешна политика и безбедност, Каја Калас, порача дека Брисел подготвува нови мерки против Русија, оценувајќи дека и покрај обновениот дипломатски ангажман, постапките на рускиот претседател Владимир Путин покажуваат дека Москва продолжува со воените напади.

Калас изјави дека во последните денови Русија повторно извршила силни напади врз Киев и потопила цивилни бродови во Црното Море, нагласувајќи дека Европската Унија мора да го зголеми притисокот врз Москва.

— реклама —

„Постои нов дипломатски замав, но јасно е дека постапките на Владимир Путин зборуваат нешто сосема друго. Нашата задача е да помогнеме во одбраната од нападите и да ја зголемиме цената што Русија ја плаќа. Овој месец ЕУ ги усвои најсеопфатните санкции против Русија од почетокот на војната, а се подготвуваат и нови мерки“, изјави Калас.

Таа посочи дека заедничките активности и контролите што ги спроведуваат Франција и други земји членки на ЕУ го отежнуваат движењето на бродовите од таканаречената руска „флота во сенка“, принудувајќи ги да користат подолги и поскапи поморски рути. Според неа, притисокот врз овие бродови треба дополнително да се засили.

— реклама —

Говорејќи за европската одбрана, Калас истакна дека ЕУ издвојува рекордни средства за одбранбени потреби, но дека тие инвестиции мора да резултираат со конкретни оперативни способности. Таа наведе дека овој месец го претставила првиот извештај на Унијата за одбранбената подготвеност.

„Мора да продолжиме со модернизацијата на нашите сили и способности за да изградиме посилна Европа во рамките на посилен НАТО“, порача Калас.

— реклама —

Таа предупреди и на сериозен ризик од нова ескалација на конфликтот меѓу Соединетите Американски Држави и Иран, оценувајќи дека понатамошното заострување би било штетно за сите страни.

Во тој контекст ги спомена и нападите на Хутите во Јемен и Саудиска Арабија, нагласувајќи ја важноста на европската поморска операција „Аспидес“, чија цел е да помогне во одржувањето на пловидбата и транспортот на стоки и нафта низ Црвеното Море. Калас им се заблагодари на Франција, Италија и Грција за нивниот придонес во операцијата.

Високата претставничка најави и нова мисија на ЕУ за советување и обука на либанските вооружени сили и силите за внатрешна безбедност, со цел зајакнување на контролата врз територијата, граничната безбедност и внатрешната стабилност на Либан.

„Ќе му помогнеме на Либан да ја зајакне контролата врз својата територија, безбедноста на границите и внатрешната безбедност. Европа инвестира во иднината на Либан“, порача Калас, нагласувајќи дека меѓународните поморски пат