Орце Георгиевски од ВМРО-ДПМНЕ ќе му биде противкандидат на Филип Темелковски од СДСМ за Кисела Вода, а Дејан Митевски ќе застане зад партиските бои на ВМРО-ДПМНЕ за Аеродром. Професорката Наташа Котлар се споменува за кандидатка на ВМРО-ДПМНЕ во Центар, а од СДСМ се уште не е кажано со кој кандидат ќе ја бараат довербата.
Дефинирани се две имиња за Ѓорче Петров. Експратеникот Александар Стојкоски е можен кандидат. Како носител на листата за советници се споменува името на Ленче Нелоска, која има извршувано и високи партиски функции.
Како што веќе објавивме, во Град Скопје, како кандидатка на ВМРО-ДПМНЕ се споменува Даниела Арсовска. Таа е актуелна претседателка на Сојузот на стопански комори, а на функцијата е назначена од 2014 година. Во трката, нејзин противкандидат ќе биде Петре Шилегов, потврден од СДСМ.
