Кавадарци ќе добие дом за стари лица со капацитет за 57 лица, најави градоначалникот Јанчев

Потпишан е договорот за изградба на јавна општинска установа за вонсемејна социјална заштита на стари лица во Кавадарци, со што проектот влегува во фаза на реализација, информира градоначалникот Митко Јанчев.

— реклама —

Новата установа ќе има капацитет за 57 лица и ќе се простира на површина од 3.365,1 квадратни метри. Вкупната вредност на договорот изнесува 154.927.746 денари.

— реклама —

Од вкупната сума, 149.489.782,12 денари се обезбедени од Министерството за социјална политика, демографија и млади, додека Општина Кавадарци ќе учествува со 5.437.963,88 денари од општинскиот буџет.

Според најавите, градежните активности треба да започнат до крајот на месецов.

— реклама —

Со изградбата на установата, Кавадарци ќе добие дополнителен капацитет за згрижување и социјална заштита на старите лица, со услови за грижа, сигурност и достоинствен живот.

Од Општината проектот го оценуваат како инвестиција во социјалната сигурност и подобри услови за живот на граѓаните.