Саботната вечер на „Тиквешкиот гроздобер 2026“ во Кавадарци донесе вистинска музичка атмосфера, со настапи кои ја раздвижија публиката и ги обединија различните генерации.
Вечерта започна со добро познатите хитови на Нокаут, кои ја исполнија гроздоберската сцена со препознатливата енергија. Публиката ги пееше песните заедно со бендот, потврдувајќи дека добрата македонска музика и понатаму има посебно место кај сите генерации.
Свеж звук и силна сценска енергија донесе и Дупер, кој со својот препознатлив настап продолжи да ја одржува атмосферата на високо ниво.
Кулминацијата на музичката вечер беше настапот на Жељко Самарџиќ. Кавадарци пееше во еден глас со неговите безвременски песни, а публиката ги следеше познатите стихови од првиот до последниот тон.
Вечерта помина во знакот на музиката, емоциите и спомените, оставајќи уште еден незаборавен момент од годинашното издание на „Тиквешкиот гроздобер“.
