Кавадарци во боите на македонското знаме – Јанчев најави нова традиција за државните празници

Општинската зграда во Кавадарци е осветлена во црвена и жолта боја, симболично претставувајќи го македонското знаме, по повод 23 Октомври – Денот на македонската револуционерна борба.

Градоначалникот на Кавадарци, Митко Јанчев, објави дека станува збор за симболичен гест со кој се оддава почит на македонските револуционери и нивниот придонес во создавањето на македонската државност.

— реклама —

„Со овој симболичен гест оддаваме почит кон храброста, пожртвуваноста и непокорниот дух на македонските револуционери, кои со својата борба ги поставија темелите на македонската државност“, порача Јанчев.

— реклама —

Тој најави дека осветлувањето на општинската зграда во националните бои ќе стане практика и за сите идни државни празници.

— реклама —

„Отсега, по повод секој државен празник, општинската зграда ќе свети во боите на македонското знаме, како симбол на почит кон нашата историја, традиција и национален идентитет“, истакна градоначалникот.

Јанчев упати и честитка по повод 23 Октомври – Денот на македонската револуционерна борба.