Казна од 30 евра ако возите под минималната дозволена брзина во Грција

Возачите кои патуваат во Грција треба да знаат дека таму не се казнува само пребрзото, туку и неоправдано бавното возење.

— реклама —

Доколку не се почитува означената минимална брзина прикажана на синиот кружен сообраќаен знак со бел број, предвидена е парична казна од 30 евра.

— реклама —

Според грчкиот Закон за безбедност во сообраќајот, санкција може да добие и возач кој без оправдана причина се движи значително побавно, бидејќи со тоа го попречува нормалниот тек на сообраќајот и ги принудува другите возачи да претекнуваат или да менуваат сообраќајни ленти, со што се зголемува ризикот од сообраќајни незгоди.

— реклама —

На автопатиштата и експресните патишта минималната дозволена брзина изнесува 70 километри на час. Ако возилото не може да ја одржува оваа брзина, возачот треба да користи друг пат на кој е дозволено побавно движење.

— реклама —

Сепак, законот предвидува исклучоци. Доколку коловозот е во лоша состојба, временските услови се неповолни или има густа сообраќајна гужва, намалувањето на брзината се смета за оправдано и во такви случаи не се изрекува казна.