Седум дена по инцидентот кога беше каменувана куќата на кикбоксерот Бобанчо Илиоски, тој се огласи на социјалните мрежи. Се заблагодари за поддршката, а посочи дека неговата верзија за тоа што се случило ќе ја каже по расчистување на случајот. Дециден е дека не сакал да го оцрни образот на клубот и тренерите, па додаде дека секој ќе одговара за постапките.
„Постојат многу верзии од случката, но вистината ќе искочи на виделина после расчистување на случајот, и до тогаш не коментирам за ништо во врска со тоа, се додека надлежните органи не дозволат да дадам изјава во врска со истото. Сакам да напоменам дека немав намера да го оцрнам образот на моите тренери, мојот клуб, мојата држава и титулите кои ги носам, а најмалку од сѐ сакав да бидам во ситуација каква што бев. Без разлика за тоа што сум обвинет (за нешто што не сум го направил), верувам дека правдата ќе излезе на виделина и секој ќе одговара за своите постапки. Моментално се спремам за мојот следен предизвик, ви благодарам за поддршката“, објави Илиоски.
Претходно, „Скопје1“ објави дека била каменувана куќата на Илиоски.
Каменувана куќата на македонскиот кикбоксер Бобан Илиоски: три лица во болница
Вчеравечерта била нападната куќата на најдобриот македонски кикбоксер Бобан Илиоски, дознава “Скопје1”. Ова според првичните пријави во МВР се случило откако Илиоски имал физичка пресметка со лицата коо потоа натепале член на неговото семејство.Се започнало околу 22.20 часот, а во полиција било пријавено дека на подрачјето на општина Аеродром, по претходна расправија, Илиоски и уште едно лице физички го нападнале Е.Л.(28) од Скопје.“Според пријавеното, после тоа Е.Л. со поголема група на луѓе отишле пред домот на Б.И. и фрлале тврди предмети кон него и неговото семејство. Притоа, со повреди се здобиле В.И., Д.Н. и Е.Л., констатирани во Комплексот клиники „Мајка Тереза“ и Градската општа болница „Св. Наум Охридски“”, велат од МВР за “Скопје1”.Увид бил извршен и се преземаат мерки за расчистување на случајот.
Скопје | пред 1 година
