спорт

„Навредите не се навивање“ – Силјановска Давкова со остар став за говорот на омраза на спортските терени

По неодамнешните случаи на навивачка омраза – најпрво за време на фудбалскиот натпревар меѓу Шкендија и ТНС, а потоа и на кошаркарскиот меч во Куманово – претседателката на државата, Гордана Силјановска-Давкова, се огласи со став на својот Фејсбук профил.Во подолг пост насловен „(Не)научена лекција“, таа упатува апел за искоренување на говорот на омраза на спортските терени и повикува на воспоставување култура на почит, фер-плеј и воспитано навивање. Како што наведува, срамот од ваквите настани не паѓа само на поединци, туку на сите нас.Во продолжение, постот во целост:(Не)научена лекцијаВо средината на јули, на мечот меѓу Шкендија и велшкиот шампион ТНС, со расистичките навреди на фудбалерот Арманд Оте, го шокиравме сиот спортски, но и поширок свет којшто со право запраша: Како е можно да се случи недоветен навивач емоционално да скрши врвен фудбалер до солзи, посегајќи по говор на омраза врз расна основа?Срамот падна на сите: на домаќинот, на клубот, на присутните, на градот, на државата, на спортот! Логичниот заклучок беше: „Не смее да се толерира ваквото однесување на ниту еден стадион, во ниту еден спорт, никогаш и никаде“.И... заради нашата, по кој знае кој пат, спортска неписменост, со право не стивнуваат реакциите на ужасниот инцидент на кошаркарскиот натпревар во Куманово, на којшто, неколкумина недоветни навивачи пукаа со куршуми на омраза на нашите сограѓани Албанци, ама нè погодија сите, па и себеси и, пак, сме засрамени.Неспортски е да се злоупотребува спортскиот терен за „вежбање“ говор на омраза, навредување и сатанизација со отровни убиствени зборови – проектили!По толку изгубени човечки битки на спортските терени, мора да кажаме јасно и гласно: Никогаш повеќе, каде и да сме, со кого и да се натпреваруваме, нема да дозволиме спортскиот терен да прерасне во гладијаторска навивачка арена.Се разбира, првата лекција „како се навива“ се учи дома, а по неа се нижат други: во градинка, во основно, во средно, на факултет, во клубот, на натпреварот, во публиката.Можеби за почеток, пред секој натпревар, треба да се упати предупредувачка порака до гледачите да ги исклучат лошите мисли и пораки, како што тоа го прават со мобилните телефони, оти натпреварот не е битка до смрт, туку витешка борба до заслужена победа, дека од публиката се очекува бодрење, поддршка и охрабрување, а не навредување и повредување, дека треба да победи подобриот, но и да се почитува другиот, дека навивањето е награда, а не казна.Да потсетам дека срамот не е само на оние чии зборови повредуваат, зашто ги погодуваат не само оние во салата или на теренот, туку и оние што ги гледаат и слушаат заради нивниот неограничен домет.Мора да ѝ се спротивставиме на навивачката омраза, да го култивираме и да го облагородиме навивањето, да учиме и да научиме како се навива, односно како не се навива, да ја засилиме битката против предрасудите и судири меѓу „ различните“, мора да се запознаеме и познаваме, мора да спречиме излив на омраза, да реагираме навреме, да лечиме дела од омраза, да ја санкционираме!Страсното навивање никогаш не е навредливо и агресивно. Ни треба азбука на навивањето како спортско уживање, навивачко описменување, оти Пирова е спортската победа ако е проследена со физичка или говорна агресија!

Македонија | пред 3 месеци

Суперџудо блесна на Државното првенство со седум медали!

Џудо клубот Суперџудо под водство на тренерот Александар Димитријоски повторно ги покажа своите квалитети и спортски дух на Државното првенство за сениори и пионери за 2025 година, во организација на Џудо федерацијата на Македонија.Дури 14 натпреварувачи од клубот ја претставуваа својата екипа со голема борбеност и страст, а резултатите говорат сами за себе — вкупно седум медали, од кои еден златен, четири сребрени и еден бронзен!Ова се освоените медали:Пионери/ки:Драган Кедиоски — среброСтефанија Златаноски — среброКјара Нефовски — среброСениори/ки:Јорданчо Ѓорѓиоски — златоЕлвир Бајрам — среброСара Петреска — среброДавид Тодоровски — бронзаОвие резултати се потврда за континуираната посветеност и напорната работа на клубот Суперџудо. Под водство на тренерот Димитријоски, младите и сениорските натпреварувачи продолжуваат да постигнуваат врвни резултати и да ја промовираат џудо дисциплината во Македонија.

Спорт | пред 7 месеци

Со поддршка од Mozzart до златен медал - Даниела Алексовска европски шампион во ММА

Шампионите секогаш подржуваат шампиони ,под ова мото започна приказната помеѓу лидерот во приредување игри на среќа и Даниела Алексовска – натпреварувач во боречки вештини. После една успешна година, новата 2025, младата спортистка ја стартува со злато и со титула европски шампион во ММА. И овојпат Mozzart беше главниот поддржувач на Даниела и нејзин партнер до големиот успех.„По една година напорна работа го достигнавме највисокото место на пиедесталот на европското првенство во ММА. Моите амбиции за постигнување на поголеми успеси не завршуваат тука. Заедно со мојот тим се стремиме кон освојување на светската сцена во ММА со што ќе го потврдиме нашиот досегашен успех и квалитет. Секако голема благодарност до Mozzart без кои оваа авантура не би била возможна”, изјави Даниела Алексовска”, репрезентативец во ММА и Бразилска Џиу-Џица.Лидерот во приредување игри на среќа и оваа година ќе биде дел од секој натпревар на Даниела, нејзиниот верен поддржувач и ветер во грб за уште многу освоени медали.„ Втора година продолжуваме соработка со Даниела Алексовска. Ова беше првиот натпревар во новата сезона, а кој таа го заврши на првото место и се закити со златен медал. Ако денот по утрото се познава, ова ќе биде уште една интересна,возбудлива и успешна година за Mozzart и Даниела. Среќни сме што имавме можност да застанеме зад оваа млада спортсистка, да ја поддржиме и да и помогнеме полесно да го дистигне врвот”, изјави Ивана Стефановска Крстевска од Mozzart.Кога станува збор за младите таленти, Mozzart секогаш бил и ќе остане еден од најголемите поддржувачи и помагачи за исполнување на нивниот сон.

Спорт | пред 8 месеци

Кампања на Mozzart  „Повеќе од гол” – Филип Кузмановски ја намени донацијата за Детската клиника во Скопје

Лидерот во приредување игри на среќа, не престанува со реализација на добри дела и се повеќе ја зацврстува лидерската позиција во хуманост.Една од поголемите хуманитарни акции кои ги организира и реализира Mozzart е кампањата „Повеќе од гол” каде компанијата овојпат донираше по 5000 денари за секој погодок на македонската ракометна репрезентација на СП 2025.Годинава нашите ракометари постигнаа вкупно 181 погодок, со што собрани беа 905.000 денари.Амбасадор на кампањата е капитенот на македонската репрезентација Филип Кузмановски кој одлучи средствата да бидат донирани во Детската клиника во Скопје, односно во Одделот за цистична фиброза.„Среќен сум што имав можност да бидам дел од оваа кампања чија главна цел е хуманост. Без размислување одлучив средствата да бидат донирани на детската клиника, во Одделот за цистична фиброза. Се надевам дека оваа донација ќе им биде од големо значење”, изјави Филип Кузмановски.Најголемото задоволство и благодарност дојде од директорот и вработените во Одделот за цистична фиброза.„ Благодарност до македонските ракометари, компанијата Mozzart и капитенот Филип Кузмановски за средствата кои ќе ги донираат на Одделот за цистична фиброза, со што ќе добиеме соба за физикална терапија. Се надеваме дека и во иднина со вакви донации ќе продолжат да ги топлат нашите срца” , изјави Доц. д-р Валентина Цвејоска Чолаковска, Раководител на Одделот за цистична фиброза.Традиционалната кампањата „Повеќе од гол” ќе овозможи Одделот за цистична фиброза на Детската клиника во Скопје да добие целосно нова и опремена просторија за физикална терапија.„ Со задоволство помагаме на докторите и пациентите. Нивната искрена среќа и благодарност нема цена. Токму затоа продолжуваме да чекориме по истиот пат и во иднина. Хуманоста била и ќе остане заштитен знак на Mozzart” , изјави Ивана Стефановска Крстевска од Mozzart. Кампањата „Повеќе од гол” се реализира трета година по ред. Благодарение на оваа хуманитарна акција, Mozzart до сега помогна за лекување на малолетно дете, реконструиран беше дневниот центар за деца со посебни потреби во Крушево, а годинава Одделот за цистична фиброза ќе ја добие долгопосакуваната просторија за физикална терапија. Реализацијата на хуманитарни акции продолжува и натаму.(пр)

Македонија | пред 9 месеци

Апсолутен рекорд во Македонија: Никола Ѓуретановиќ испиша историја соборувајќи рекорди

17-годишниот Никола Ѓуретановиќ исплива фантастична трка на 400 метри на Светското првенство во 25-метарски базени, тој убедливо го собори досегашниот национален рекорд.Апсолутен рекорд на МакедонијаМладински рекорд на МакедонијаСо неверојатно време од 3:53.05, Никола го подобри досегашниот рекорд на Марко Блажевски (3:56.32) за значителни 3 секунди и 27 стотинки!инејџерот квалификациите ги заврши на 40. место во конкуренција од 49 пливачи. Но, подобрувањето на македонскиот рекорд е голем успех.

Спорт | пред 11 месец

Македонските ракометарки го освоија првиот бод на ЕП 2024

Македонската женска ракометна репрезентација вечерва одигра нерешено, 25:25 со Турција во 2. коло на Европското првенство 2024.Избраничките на селекторот Кристијан Грчевски лошо го отворија натпреварот и по 20-ина минути имаа негатива од пет голови (6:11). Сеапк, до паузата успеаја да надополнат два гола и резултатот по 30 минути беше 12:15.Различна слика во вториот дел. Македонките со серија од седум последователни погодоци од 15:20 дојдоа во водство со 22:20. Во последните пет минути се влезе со 24:24. На една минута до крајот беше 25:25, Турција не го искористи нападот и двете селекции освоија по бод.За најдобар играч на натпреварот е прогласена Сара Ристовска која со осум голови беше и најефикасната во двете репрезентации.На другиот меч од 2. коло во А-групата, домаќинот Унгарија ја совлада Шведска со 32:25.Унгарија е лидер на табелата со 4 бода, Шведска има 2, Турција и Македонија по 1

Спорт | пред 11 месец

Струга го „здроби“ Вардар на Арената

Вардар одново доживеа дебакл откако загуби од шампионот Струга со убедливи 1:4 на Националната арена во Скопје, со што за Вардар ова е голем удар откако пред шест дена загуби во Тетово од Шкендија со 4:0.Влајковиќ погоди за водство на Вардар од 0:1, а Вардар преку Босанчиќ израмни на 1:1. Пред крајот на првиот дел Кампаоре донесе водство за Струга од 1:2. Во вториот дел Кампаоре со втор гол и Кехинде ги поставија конечни 1:4.

Спорт | пред 1 година

Јувентус го тужи Роналдо за 10 милиони евра, Португалецот не попушта

Фудбалскиот клуб Јувентус не сака да му исплати на Кристијано Роналдо речиси 10 милиони евра неисплатени плати.Роналдо го напушти италијанскиот клуб во Манчестер Јунајтед во 2021 година, по три години минати во Торино.Во Ал Наср игра од 2022 година, но има уште 9,8 милиони евра заработка од времето кога играше во Јуве.Јувентус ги зголеми загубите и ги намали платите за 15 отсто, па секој дополнителен трошок е дупка на небото.Затоа клубот од Торино на 26 септември одлучил да поднесе жалба до судот во Торино на одлуката на Роналдо да му ја исплати споменатата сума, бидејќи по заминувањето од клубот потпишал клаузула дека клубот не му должи ништо, иако некои плати се уште биле заостанати. .Сепак, тогаш Роналдо поднесе жалба и во април 2024 година беше делумно прифатена и на Јувентус му беше наложено да плати речиси 10 мил.Бидејќи во целата ситуација имаше забуна затоа што Роналдо наводно формално се откажал од дел од заработката од пандемијата 2020 година.Сепак, подоцна беше утврдено дека играчите се согласиле тие пари да им бидат исплатени надвор од формалностите и преку спонзорства и бонуси.

Спорт | пред 1 година

Кикбоксерот Илиоски чија куќа беше каменувана: Обвинет сум за нешто што не сум го направил, секој ќе одговара за своите постапки

Седум дена по инцидентот кога беше каменувана куќата на кикбоксерот Бобанчо Илиоски, тој се огласи на социјалните мрежи. Се заблагодари за поддршката, а посочи дека неговата верзија за тоа што се случило ќе ја каже по расчистување на случајот. Дециден е дека не сакал да го оцрни образот на клубот и тренерите, па додаде дека секој ќе одговара за постапките.„Постојат многу верзии од случката, но вистината ќе искочи на виделина после расчистување на случајот, и до тогаш не коментирам за ништо во врска со тоа, се додека надлежните органи не дозволат да дадам изјава во врска со истото. Сакам да напоменам дека немав намера да го оцрнам образот на моите тренери, мојот клуб, мојата држава и титулите кои ги носам, а најмалку од сѐ сакав да бидам во ситуација каква што бев. Без разлика за тоа што сум обвинет (за нешто што не сум го направил), верувам дека правдата ќе излезе на виделина и секој ќе одговара за своите постапки. Моментално се спремам за мојот следен предизвик, ви благодарам за поддршката“, објави Илиоски.Претходно, „Скопје1“ објави дека била каменувана куќата на Илиоски.

Спорт | пред 1 година

Силвио Мировски стана светски јуниорски шампион во кик-бокс

Maкедонија стигна до нов успех на Светското првенство во кик-бокс за кадети и јуниори. По вчерашниот златен медал на Марија Димовска, денеска успешен настап имаше Силвио Мировски.Мировски стигна до златниот медал во конкуренција на постари јуниори во категоријата до 71 килограм.Во полуфианлето Мировски беше подобар од Бугаринот, Атанас Димов, а во финалето го совлада Украинецот Иван Бородатки за јуниорска светска титула.

Спорт | пред 1 година

Ужас во Америка: Српски спортист се удавил во езеро за време на кросфит натпревар

Српскиот спортист Лазар Ѓукиќ, кој се натпреварувал во кросфит, се удавил за време на кросфит натпревар во Форт Ворт, Тексас, јавуваат тамошните медиуми.Според наводите кои се појавиле на социјалните мрежи, Лазар изгубил воздух непосредно пред целта, за време на пливачкиот сегмент во локалното езеро и не успеал да исплива на копното.Ситуацијата се развивала брзо, поради што биле потребни неколку минути за сите да сфатат дека Лазар Ѓукиќ не минал низ целта. Натпреварот потоа бил одложен, а гледачите биле замолени да ги напуштат местата за следење на натпреварот. По неколкучасовна потрага, телото на Лазар е извлечено од езерото.На ова натпреварување учествуваат голем број спортисти од 33 земји, а турнирот започна во четвртокот.Настанот во кој се случи немилиот момент има тркачки сегмент по кој следуваше 800 метри пливање во езерото.

Спорт | пред 1 година

Боксерски клуб – Скопје: Само затоа што некој не се вклопува во класичните рамки на женската убавина, не значи дека не е жена

„Иако нешто е “чудно” во целата бура од информации и дезинформации, дозволете ни да Ве информираме. Само затоа што некој не се вклопува во класичните рамки на женската убавина, не значи дека не е жена. Боксерката од Алжир е родена како жена, не е транс-жена или маж (читај внимателно). Таа има повисоко ниво на тестостерон, што ѝ дава природна предност во спортот, слично на големото стопало на Јан Торп во пливање или предноста на Кенијците во трчање“, велат од Боксерски клуб – Скопје и додаваат:Жените поминаа долга и тешка борба за да излезат од времето кога спортистките (жените) мораа да примаат терапија за намалување на нивото на тестостерон, што беше дискриминација и тортура. Сега жените се слободни од тие окови.На оваа Олимпијада нема транс-жени. Италијанската спортистка се повлече затоа што не беше доволно добра, а не затоа што се натпреваруваше со маж. Алжирката во нејзината кариера има доживувано и порази, и тоа со нокаути. Алжирската боксерка беше присутна и на Олимписките Игри во Токио, но тогаш немаше лажни вести иницирани од Светската Федерација за Бокс. Сега ги има, бидејќи Федерацијата е исклучена од ИОК поради финансиска нетранспарентност!За сите жени (а и мажи) во спортот, читајте повеќе и информирајте се. Оваа пропаганда е на наша штета.[caption id="attachment_298498" align="alignnone" width="1350"] Screenshot[/caption]

Спорт | пред 1 година

„Арена спорт“ и вардарска бановина

Кога во ноември 2021 год. Владата на Заев донесе препорака сите радиодифузери кои реемитуваат канали со спортска содржина да се локализираат на официјалните јазици во нашата држава, јавноста прокоментира, “најпосле некој да се грижи за идентитетот и заштитата на македонскиот (и албанскиот) јазик“. Оваа препорака имаше јасни цели, пред се заштита на посебноста на официјалните јазици, а со тоа и посебноста на идентитетот, овозможување на мајчин јазик да се следи програма која покрива важен аспект од интересите и развојот на младите генерации и секако, поттик за развојот на спортското новинарство. Од тогаш поминаа 3 (и со букви: ТРИ) и кусур години. Локализација нема. За три години, по земјотресот, Скопје беше изградено во нов модерен град, војната во БиХ почна и заврши во три години, три години се безмалку еден олимписки циклус, или еден владин мандат...Но, три и кусур години, замислете, не се доволни да се локализираат спортски канали. Тоа е така само во оваа наша Македонија. Во Хрватска и Словенија на пример, странските редиодифузери со спортски канали ниту почнуваат со реемитување ако не се локализирани. Спорт клуб во Македонија реемитува од 2011-та, цели 13 години. На српски или хрватски, како ќе “боцне“ кабловската што реемитува. Арена спорт е присутна скоро ист период и емитува на српски со ретки исклучоци на натпревари од домашните првенства и националниот тим. Јунајтед група, како сопственик на Спорт клуб, има свои кабловски мрежи со спортски канали и во Бугарија и Грција. Таму се коментира, погодувате – на бугарски и грчки. Дали во Бугарија и Грција би било можно на пр. германската лига да оди на српски? Ај да видиме и поинаку... Доколку во следниот период некој бугарски спортски канал ги купи ТВ правата на еминентна лига и за територијата на Македонија, дали ќе мора истото да го следиме со бугарски коментар? Или Грчки? Или Турски? Има ли овде народ со свој посебен јазик? Го почитува ли некој? Го штити ли некој?ОДГОВОРИ БЕЗ ОДГОВОРОва беше повод да се обратиме до поранешната Влада со прашања: по донесувањето на препораката, пред 3 години, какви чекори превзеле во овој правец, дали имаат информација зошто не се спроведува препораката и дали имаат намера да превземат нешто доколку препораката се игнорира? „МТел“ и „Арена спорт“ ги прашавме зошто и во Македонија не спровеле локализација пред стартот на реемитување како во другите држави од поранешната ЈУ, дали период од три и повеќе години не е доволен за спроведување на Владина препорака и, ако веќе најавија локализација, за кога го предвидуваат нејзиниот почеток?Владата кусо ни одговори дека донела препорака и дека не се меша во работата на радиодифузерите, а од „МТел“/„Арена“ добивме одговор дека процесот е во тек и кога ќе има нешто ново ќе нѐ информирале. Со други зборови, првите не превзеле ништо конкретно, а вторите купуваат време, досега цели 3 (и со букви ТРИ) години... ако воопшто и имаат намера да ја почитуваат препораката и гледачите во земјава. Македонија е единствената држава на Балканот и пошироко што нема локализирани спортски канали. Како и другите во регионот и во Европа, нашиот закон во оваа смисла се повикува на Европската конвенција за прекугранична телевизија и Европската директива за аудиовизулени медиуми. Таму стои дека странските телевизии можат слободно да се реемитуваат на територијата на друга држава, но не ги ограничува државите сами да го регулираат прашањето за локализација било со закон во Парламентот или со подзаконски акт, одлука, инцијатива или препорака на Владата или Министерствата. Акти за кои Владата секако има инструменти и да ги спроведе. Италија, Франција, Германија, исто така се придржуваат до Конвенцијата, но имаат и своја регулатива во оваа смисла и, нормално, сите спортски канали одат на нивните локални јазици. Зошто Арена и СК локализираат на пр. во Хрватска и Словенија, а Македонија не ја есапат? Дали Владата и регулаторните тела, а со тоа и народот и граѓаните овде, ги сметаат за маргинални, без сила, воља и желба да ги заштитат на своите интереси? Дали се сметаат за доволно моќни да не спроведат препорака на Влада? На препораката на Владата двете компании реагираат навидум на различен, но во основа ист начин: Арена спорт ја прифаќа, но освен што ветува, не превзема ништо цели 3 (и со букви: ТРИ) години, а Спорт Клуб едноставно ја игнорира. Јака препорака!ГОЛЕМ ИЛИ МАЛКУ ПОМАЛ ЌАРСпоред информациите што циркулираат во јавноста, двата радиодифузера дебело го наплатуваат реемитувањето на своите спортски канали кај нас. Сумите на годишно ниво се повеќемилионски. Во евра. Спроведувањe локализација би ги чинело само еден мал фрагмент од тоа што претплатниците го плаќаат за нивните канали. Не оние во Србија, туку овие, овде во Македонија. Според официјалните податоци, преку 90% од населението користи услуги на Јавни електронски комуникациски мрежи (кабловски), што се окулу 450 иљади платени приклучоци. За радиодифузерите со спортски канали прашањето за локализација, од финансиски аспект, се сведува на тоа дали ќе имаат голем или малку помал ќар. Не збориме за загуба, ниту за позитивна нула. Значи, сета добивка или само малку помала, а со тоа да ги испочитуваат претплатниците и да им овозможат да ја следат спортската програма на мајчин јазик. Како и секаде во Европа која нашата Влада, но и газдите на овие радифузери, не ја вадат од уста. Препораките на ЕУ го манифестираат интересот и вољата на жителите на унијата, а таа воља ние како кандидати за влез и интеграција во нивното стопанство, не можеме, ниту смееме да ја игнорираме. Препораките на нашата Влада ја манифестираат волјата на граѓаните во чиј интерес таа постои и работи (или барем така би требало да биде). Оние субјекти на кои им е овозможено да стопанисуваат и остваруваат профит овде, од џебот на граѓаните на оваа земја, смеат ли да го игнорираат нивниот интерес изразен преку препорака на Владата? Ако го игнорираат, може ли Владата да најде начин да го спроведе? Ако сака... Но, не... преку 13 години овие радиодуфузери реемитуваат без почит за граѓаните што плаќаат за нивните спортски канали. А Владата? Таа дала препорака и ... толку! Точно е, Владата нема ингеренции да се меша во уредувачката политика ниту на домашните ниту на странските радиодифузери. И така треба да биде. Но, има ли ингеренции во однос на заштитата како на дигнитетот, така и на џебот на граѓаните (потрошувачите) што ги претставува? Дали нашите претплатници се помалку вредни од оние во другите земји каде што е спроведена локализација? Дали денарите, во милионски износи, се помалку вредни од куните, динарите, толарите, левовите? Дали некој следи што за своите пари добива нашиот, а што претплатникот, на пр. во Хрватска, од истиот радиодифузер? Не е ли тоа омаловажување, потценување? Никој не бара Владата со сила да спроведе нешто. Но, ако постои меѓусебна почит, секоја препорака може да се реализира. Така своите препораки, преку своите комисии, ги реализира и ЕУ. Се разбира, ако нашиот доносител на препораката имал искрена намера и ако таа не е само чин на ефтин популизам. Ако пак разговорите не помагаат и радиодифузерот нема почит кон Владата, државата и народот, тогаш може и со Закон и рокови. Има и такви примери во Европските држави.СПОРТСКО НОВИНАРСТВО – МИСЛЕНА ИМЕНКАОд друга страна, поранешната Влада во својата програма го најави зголемувањето на вработеноста како една од главните цели. Ако ја спроведеше сопствената препорака низ овие три години, Владата ќе овозможеше преку 120-тина работни места за новинари, ТВ техничари, ИТ инженери и друг персонал во двата радиодифузера со спортски канали. Малку се 120-на вработувања? Зарем ова не им беше доволен мотив за максимален ангажман во правец на реализација на препораката? Тоа се стотина семејства со барем еден или уште еден вработен. Ако овој егзистенцијален аспект не им бил доволна мотивација, тогаш следниот сигурно не им бил ни во видоглед: освен на МРТВ, спортска програма нема на другите национални телевизии! Спорт нема на К5, Сител и Алфа, а на Телма едночасовна емисија, додека на 24-ка има само спортски вести. Цела една гранка во новинарството замира. А со неа, полека но сигурно ќе замре и домашниот спорт... Владата препорачала и не се меша! Имаше она поважни работи од вработувања, јазик, идентитет, заштита на ТВ консументите, спортот... Нас Европа не чека, еве само уште бугарите...НЕЗАВИСНА БАНОВИНАВо Македонија на кабловските мрежи се емитуваат 25 спортски канали, најголемиот дел на српски и по некој на хрватски јазик. Притоа уште 20-тина информативни, колажни, филмски (со српски испишан превод), 20-тина музички, дури и детски канали, се на се, преку 60, сите на српски јазик. Повеќе од половина од сите достапни. Дали Владата чула за изразот “мека моќ“ (soft power)? Според енциклопедија Британика тоа е: “Способност да се привлече, кооптира, асимилира наместо да се присилува, а вклучува обликување на преференциите на другите (народи/држави) преку економско, културно и друго влијание“. Звучи познато? Бугарија џабе не инсистираше да се емитува бугарски ТВ канал на нашите кабловски мрежи, а самата не почна со емитување на македонски кај нив. Гледано од овој аспект, Владата има некакви ингеренции или не? Води некој сметка за овој аспект? Ако воопшто им текнало на ова, дали можеби сметаат дека против ваква јазична инвазија може да се справат со препораки коишто оние на кои им се упатени и не мора да ги спроведат, како им се сака. Препораката е во ред ако Владата навистина следи како се реализира, па дури на некој начин и го олеснува нејзиното спроведување. Така прави и ЕУ со своите препораки. Тажно, но и индикативно е што повеќе од една деценија ниту Владите, ниту надлежното министерство, ниту регулаторното тело ама баш ништо не сториле во врска со ова.Во јавноста веќе беше објавено дека Арена спорт ќе локализира 5 канали на македонски и 5 на албански јазик од 1-ви јануари, а МТел Македонија на својата веб страна објави дека “наскоро каналите на Арена спорт ќе бидат достапни на македонски и албански јазик“. Тоа, евидентно, не само што не се случи во тој рок, туку нема да се случи ни наскоро. Со оглед на тоа дека 3 (и со букви: ТРИ) и кусур години изразувале добра воља и божем се подготвувале за локализација, прашање е уште колку време ќе им треба за навистина да стигнат до старт? Уште 3 (и со букви: ТРИ) години? А „Спорт Клуб“? Можеме само да претпоставиме каде завршила препораката на бившата Влада во нивниот случај. Но, ако се има воља и тоа се решава. На пример, кога и ако Арена навистина се локализира како што најавува, зошто кабловските би ги продолжиле своите договори и би плаќале на „Спорт Клуб“ за кого препорака на Владата на држава во која стопанисуваат и заработуваат е само ливче хартија? Ако постои искрена желба, за се има начин и може да се спроведе.ЈАЗ’К (по турски yazik)Јазикот и писмото се уставна категорија и како такви се од стратешко значење за државата и народот. Но, сега веќе е јасно дека за бившата Влада јазикот, посебно македонскиот, не е во таа категорија. Таа ја испушти шансата да го реализира процесот на локализација и да покаже дека искрено сака да ја заштити јазичната посебност, а со тоа и идентитетот на државата. Три години неделување од Владата и три години ветувања од „Арена спорт“, гледано одстрана, делуваат некако синхронизирано. 3 (и со букви ТРИ) години, Владата божем препорачува, Арена божем сака... И еве, дојдовме и до техничка Влада без ингеренции во овој правец. За бившата Влада, според ова, јазик јазикот не беше никаков приоритет. Идната,  ќе биде ли сериозна и конкретна во однос на ова егзистенцијално прашање? Ако не па, пак да го отвориме Уставот и да го прогласиме и српскиот за официјален јазик во Македонија! Веројатно, во оваа држава, тоа е најлесно да се направи. Најтешко, очигледно, е некој да се фати за работа и да го заштити јазичниот идентитет, достоинството и правата на граѓаните. Не повеќе, туку само онака како што се заштитени во другите балкански држави и Европа.Текстот е дозволен за преземање.

Коментари | пред 1 година

Почина младиот кик-бокeр Марко Тодоров, Урко трогнат: Болката е голема, го загубивме по подолг период на боледување

„Кик бокс маитаи федерацијата на Македонија загуби голем шампион“, се првите зборови на селекторот и претседател на КМФМ Дејан Митровски-Урко по тажната вест дека починал 23-годишниот шампион Марко Тодоров.„Денеска по подолг период боледување почина нашиот брат, другар, натпреварувач и голем шампион Марко Тодоров. Голема е болката и загубата на сите нас кој го познававме. Сите борби во рингот ги доби но оваа најважната ја загуби. Последен поздрав со нашиот брат Марко ќе биде утре на 10.03.2024г. во 13:30 часот на гробиштата Бутел во капела 1. Почивај во мир шампионе наш!, напиша Митровски.Денеска неговото семејство и најблиските се збогуваа од него преку социјалните мрежи.

Спорт | пред 1 година

(Видео) Навивачите направија фашистички скандал, видео од позната пивница ја згрози Европа

Навивачите на италијански Лацио направија сцена во Минхен, поради што пишуваа германските медиуми.Најжестоките поддржувачи на римскиот клуб се познати како десничари, но во вторникот вечерта отидоа во пивницата Хофбраухаус каде пееја фашистички песни.Италијанскиот печат објави видео на кое се гледа како тие трипати скандираат „Дуце“ на крајот од песната, пеејќи за Бенито Мусолини.Мусолини беше фашистички водач на Италија за време на Втората светска војна и дел од силите на Оската заедно со Германија и Јапонија.https://twitter.com/thecasualultra/status/1765054551088857208?ref_src=twsrc%5Etfw%7Ctwcamp%5Etweetembed%7Ctwterm%5E1765054551088857208%7Ctwgr%5Eec93d4ffad17e3bea9472910c77f36df3b912ed5%7Ctwcon%5Es1_&ref_url=https%3A%2F%2Fnova.rs%2Fsport%2Ffudbal%2Fvideo-navijaci-lacija-napravili-skandal-u-minhenu-zbog-nacizma-o-njima-prica-nemacka%2FХофбраухаус е местото каде што Адолф Хитлер ја основал својата Национал-социјалистичка работничка партија на Германија во 1920 година и почнал да го шири злото на нацизмот, кое 19 години подоцна ќе го вовлече целиот свет во војна.Навивачите на Лацио, меѓу другото, пееја и за црните дресови како симбол на фашизмот во Италија, додека градската управа на Рим ја осуди оваа постапка.Дел од тој гест е и римскиот поздрав со десната рака како нацист, кој Алесандро Онорато, комесарот на градската управа во Рим, го означи како „срам за Лацио“.Во пабот имаше околу стотина бунтовници, а тие пееја фашистички песни непосредно пред натпреварот помеѓу Лацио и Баерн Минхен. Баерн го доби тој натпревар со 3:0.

Спорт | пред 1 година