Почетокот на викендот донесе зголемена фреквенција на возила на граничните премини „Богородица“ и „Дојран“, каде што возачите утринава чекаат околу 40 минути за излез од државата, според АМСМ.
Според информациите, најголем метеж е регистриран на јужната граница кон Грција, а снимките од камерите во живо на Јавното претпријатие за државни патишта покажуваат километарски колони возила во сите сообраќајни ленти на двата гранични премини.
За разлика од состојбата на Богородица и Дојран, на останатите гранични премини од македонска страна засега нема подолги задржувања ниту за влез ниту за излез од државата.
Од АМСМ информираат и дека интензитетот на сообраќајот на патиштата надвор од градските средини е умерен, без поголеми застои на останатите патни правци.
