Кина целосно го опколи Тајван: Почнаа „воените вежби за казнување“, учествуваат војници, морнарица и воздухопловни сили

Источната команда на Кинеската Народноослободителна армија денеска почна воени вежби во околината на Тајван за „казнување на сепаратистичките акции“.

— реклама —

Вежбите ќе се изведуваат во Тајванскиот теснец, потоа на север, исток и јужно од островот Тајван, како и во областите во близина на островите Кинмен, Мацу, Вуцу и Донџин, пренесува кинеската новинска агенција Ксинхуа.

— реклама —

Воениот портпарол Ли Си изјави дека во вежбите учествуваат војниците, морнарицата и воздухопловните сили, а вежбите се наречени „Заеднички меч - 2024А“ и ќе траат два дена.

Ли додаде дека вежбите служат како „силна казна за сепаратистичките акции на Тајван“, но и како „цврсто предупредување против мешање и провокации од надворешни сили“.

— реклама —

Американскиот генерал-полковник Сивен Скленка оцени дека кинеската армија „продолжува да вежба клучни елементи за потенцијална воена инвазија на Тајван“, пренесува Ројтерс.

— реклама —

https://x.com/nexta_tv/status/1793529155306258907