Кина ги отфрла обвинувањата за воена поддршка на Иран

Кина ги отфрли обвинувањата дека ѝ дава воена поддршка на Иран, оценувајќи ги како целосно измислени, а истовремено предупреди дека ќе реагира со контрамерки доколку САД воведат дополнителни царини врз основа на такви тврдења.

— реклама —

Пекинг нагласи дека строго го контролира извозот на воена опрема и дека постапува во согласност со своите закони и меѓународните обврски, инсистирајќи дека нема учество во испорака на оружје во актуелните конфликти.

— реклама —

— реклама —

Во меѓувреме, дел од американските медиуми, повикувајќи се на разузнавачки извори, пренесуваат дека постојат процени оти Кина би можела да ѝ испорача на Иран нови системи за противвоздушна одбрана во наредниот период, а се анализира и можноста за веќе реализирани ограничени испораки.

— реклама —

Во тој контекст, американскиот претседател Доналд Трамп најави можност за воведување значително повисоки царини на кинески производи доколку ваквите разузнавачки процени се потврдат.