Кина ја засилува потрагата по исчезнатите кај Ѓиронг, ќе испрати итна помош и за Непал

Кинескиот претседател Си Џинпинг нареди да продолжат спасувачките операции по катастрофалното свлечиште што го погоди граничното подрачје кај Ѓиронг, јави Синхуа.

— реклама —

Си и други кинески лидери им одале почит на жртвите, а на состанокот било оценето дека досегашните спасувачки операции биле спроведени брзо, организирано и координирано.

— реклама —

Истовремено, кинеските власти предупредуваат дека потрагата е исклучително тешка поради студената клима, стрмните долини, променливото време, бројните глечери и глечерски езера, како и опасноста од нови геолошки инциденти.

Надлежните институции добиле налог да подготват научно засновани планови за пребарување и спасување и да вложат максимални напори за пронаоѓање на сите исчезнати, без разлика дали станува збор за кинески или странски државјани.

— реклама —

На состанокот било соопштено и дека Кина ќе испрати итна помош во подрачјата на Непал погодени од катастрофата и ќе учествува во меѓународната соработка околу спасувачките операции.

— реклама —

Кинеските власти нагласуваат дека, покрај потрагата по исчезнатите, приоритет остануваат и евакуацијата на населението, санацијата на последиците и спречувањето нови несреќи во погодениот планински регион.