Руската државна нуклеарна корпорација „Росатом“ соопшти дека издала дозволи за седум кинески бродови кои преку Северниот морски пат треба да пловат кон Европа.
Според директорот на „Росатом“, Алексеј Лихачов, кинеската компанија Sea Legend Shipping планира во 2026 година да воспостави прва редовна контејнерска линија на оваа арктичка рута, со неделни пловидби во текот на навигациската сезона.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Северниот морски пат се протега долж северниот брег на Русија низ Арктичкиот Океан и се смета за можна алтернатива на Суецкиот Канал. Москва со години се обидува да го развие овој коридор како значајна меѓународна трговска рута, иако неговата употреба е ограничена поради мразот, високите трошоци и потребата од ледоломци.
Од „Росатом“ оценуваат дека рутата добива на значење поради нестабилната безбедносна состојба во регионот на Ормускиот Теснец и Црвеното Море, што создава неизвесност за традиционалните поморски правци.
Русија во последните години инвестира во флота од нуклеарни ледоломци и во инфраструктура долж Северниот морски пат, со цел да ја продолжи сезоната на пловидба и да го зголеми обемот на товарниот транспорт преку Арктикот.
