Кинеската војска денеска изврши втор ден воени симулации околу Тајван, тестирајќи ја нејзината способност да ја преземе моќта и да ги контролира клучните области во вежбите насочени кон казнување на новиот претседател на Тајван Лаи Чинг-те, соопшти Пекинг.
Дводневните вежби во Тајванскиот теснец и околу групи острови контролирани од Тајван во близина на кинескиот брег започнаа само три дена откако Лаи ја презеде функцијата и вклучуваат лажни бомбардирања на странски бродови, изјави тајвански официјален претставник.
Кинеската државна телевизија објави дека војската денеска испратила бомбардери со активни проектили за да извршат лажни напади на вежби во близина на Тајван.
Бомбардерите од Источната команда на Народноослободителната војска распоредени во неколку напаѓачки формации во водите источно од Тајван, извршувајќи лажни напади во координација со бродовите на морнарицата, се додава.
Тајванските власти ги осудија постапките на Кина. Кина го смета демократскиот Тајван како своја територија и го осудува Лаи како „сепаратист“.
