Кинеското Министерство за трговија објави дека воведува контра-тарифи против Соединетите држави на неколку производи и најави други мерки поврзани со трговијата, вклучително и истрага против Гугл, пишува Асошиетед прес.
Владата соопшти дека ќе применува царини од 15 отсто за јаглен и течен природен гас, како и тарифи од 10 отсто за сурова нафта, земјоделски машини и големи автомобили.
„Едностраното зголемување на царините на САД сериозно ги крши правилата на Светската трговска организација“, се вели во соопштението и се додава: „Ова не само што нема да помогне во решавањето на сопствените проблеми, туку и штети на нормалната економска и трговска соработка меѓу Кина и САД“.
Тарифите од 10 отсто наметнати на Кина од страна на претседателот Доналд Трамп треба да стапат на сила во вторник, иако Трамп планираше да разговара со кинескиот претседател Кси Џинпинг во следните неколку дена.
Кинеската државна управа за регулирање на пазарот во вторникот соопшти дека го истражува Гугл поради сомневање дека ги прекршил антимонополските закони. Иако во објавата конкретно не се споменуваат никакви тарифи, најавата дојде само неколку минути откако тарифите на Трамп од 10 отсто требаше да стапат на сила.
