Кинезите доминираат со батериите за електрични возила: Држат 73,3 отсто од светскиот пазар

Кинеските производители продолжуваат да имаат водечка позиција на глобалниот пазар на батерии за електрични возила, а седум компании од Кина се најдоа меѓу десетте најголеми производители во првите осум месеци од годинава.

— реклама —

Според податоците на јужнокорејската истражувачка компанија SNE, од јануари до август во целосно електрични, приклучни хибридни и хибридни возила биле вградени вкупно 844,2 гигават-часови (GWh) батерии. Тоа е раст од 19,7 отсто во споредба со истиот период минатата година.

— реклама —

На врвот на листата е кинескиот производител CATL со 333 GWh вградени батерии и удел од 39,4 отсто на светскиот пазар. Испораките на компанијата се зголемиле за 25,2 отсто на годишно ниво, што е над просечниот раст на глобалниот пазар.

Втор е кинескиот BYD со 127,9 GWh и пазарен удел од 15,1 отсто. Иако испораките на BYD пораснале за 6,2 отсто, уделот на компанијата се намалил од 17,1 отсто во истиот период минатата година.

— реклама —

CATL и BYD заедно контролирале 54,6 отсто од светскиот пазар на батерии за електрични и хибридни возила, што значи дека повеќе од половина од вградените батерии потекнувале од еден од овие два производители.

Кинеската доминација е уште поизразена кога се разгледува листата на десетте најголеми производители. Седум кинески компании од првите десет во првите осум месеци имале заеднички удел од 73,3 отсто на глобалниот пазар, што е зголемување во однос на 69,7 отсто во истиот период една година претходно.