Кирков до Филипче и Герасимовски: Каде се паркинзите и зеленилото во Буњаковец?

Во Буњаковец се отвораат прашања за паркирањето, сечењето дрвја и зафаќањето на тротоарот со градежни активности. На овие проблеми посочи Стефан Кирков, член на Градскиот комитет на ВМРО-ДПМНЕ, кој побара Општина Центар јавно да ги разјасни условите под кои се гради објект на улицата „Костурски херои“.

— реклама —

Кирков праша како е можно да се реализираат вакви проекти без јасни одговори за паркирањето, зеленилото и безбедноста на пешаците, посочувајќи дека овие прашања се особено значајни за жителите на Буњаковец.

— реклама —

— реклама —

Тој ги повика градоначалникот на Центар, Горан Герасимовски, и претседателот на СДСМ, Венко Филипче, да излезат на терен и да се запознаат со проблемите со кои се соочуваат граѓаните. Според него, ветувањата за повеќе зеленило, хумано уредени населби и подобри услови за живот треба да се преточат во конкретни решенија.

Кирков побара Општина Центар јавно да соопшти дали при изградбата се почитуваат одобрените планови и како ќе се заштитат пешачкиот простор и зеленилото.